بانو بانو بانوعلى أصلكو بانو
والساهى يبطل سهيانه
ولا غِنى ولا صيت
دولا جنس غويط
وكتاب ما يبان من عِنوانه
بانو أيوه بانو
جربنا الحلو المتعايق أبو دم خفيف
وبقينا معاه إخـْوَه شقايق
فاكرينه شريف
أتاريه مش كده على طول الخط
الطـَبْع الردى من جواه نط
خلاص بقى مهما انشال وانحط
مافيش دمعة حزن عشانـُه
بانو أيوه بانو
بانو بانو بانوعلى أصلكو بانو
وعرفنا...سيد الرجاله عرفنا...
عين الأعيان من بره شهامه وأصالة
تشوفه تقول أعظم انسان
انما من جوه يا عينى عليه
بيّاع ويبيع حتى والديه
واهو ده اللى اتعلمنا على ايديه
القهر وقوة غليانه
بانو بانو بانوعلى أصلكو بانو
ودوروا وشـُّكـُو عنى شويه
كفايانى وشوش
ده أكم من وش غدر بيه ولا ينكسفوش
وعصير العنب العنابى العنابى
نقطه ورا نقطه يا عذابى يا عذابى
يكشف لى حبايبى واصحابى
يوحدنى وانا ف عز شبابى
القلب على الحب يشابي والحب
بعيد عن أوطانه
بانو أيوه بانوبانو بانو بانوعلى أصلكو بانو
أهو كده بانوعلى أصلكو بانو
كفايانى وشوش
ده أكم من وش غدر بيه ولا ينكسفوش
وعصير العنب العنابى العنابى
نقطه ورا نقطه يا عذابى يا عذابى
يكشف لى حبايبى واصحابى
يوحدنى وانا ف عز شبابى
القلب على الحب يشابي والحب
بعيد عن أوطانه
بانو أيوه بانوبانو بانو بانوعلى أصلكو بانو
أهو كده بانوعلى أصلكو بانو
ـــــــــــــــــــــــــــــــــــــــــــــــــــــــــــــ
أنا فعلا بعشق الاغنية دي ابداع رائع لجاهين وأداء متفوق لسندريلا الشاشة العربية زوزو يمكن علشان بتفكرني بغدر وندالة أشخاص لم أكن أتوقع ذلك منهم أبــــــــــــــــــــــدا
بس اللي يعيش يامــــــــــــــــــــــــــــــــا يشوف وعجبي
